براجليدينج إنترلاكن

مغامره ممتعه تفوق الوصف !! ذهبنا بالباص الى قمة الجبل وتم تجهيزنا مع الكابتن الخاص بكل شخص ومن ثم تم الانطلاق ، رؤية انترلاكن من اعلى رائعة ومغامره مشوقه انصح بها كل شخص ، كنا خائفين في البداية ولكن سرعان ما تبدد الخوف ونحن في السماء . السعر ١٧٠ فرنك ولكن يرتفع السعر الى ١٩٠ فرنك في حال كانت الكابتن امرأة

خوش رحله حق اللي يحبون المغامرات .. عجيبه حيل و و تشوف انترلاكن كلها من فوق و جمال الطبيعه .. و الطيارين محترفين .. من قمه الجبل الى السنتر ️

تجربة لا تنسى و ممتعة للغاية. تستاهل قيمتها . تكلف حوالي 180 فرنك و تنطلق في رحله مدتها 15 دقيقه للجبل حيث تجهز المظلة و تنطلق للقفز. لحظة القفز تسبقها خطوات سريعة من الجري لمسافة قصيرة ثم تتمتع بأفضل مناظر على الاطلاق تستطيع ان تتحكم بالتحليق عم طريق المرافق المحترف بإخباره اذا ترغب بتحليق هادئ او مغامر بعد الهبوط بسلام بعد 15 دقيقه تقريبا تستطيع مشاهده الفيديو و الصور و شرائها مقابل مبلغ إضافي بحدود 40 فرنك

اخيييراً جربتها احلى نشاط جربته بحياتي ابداً ابداً ماتخوف ماتوقعتها بهالسهولة تجنن والمنظر من فوق رهييب واذا كنت ساكن في وسط انترلاكن يمرونك الشركة بس احنا كننا ساكنين في جريندالوالد وقفنا عن الكشك حقهم واخذونا لبيتنبيرغ بالنسبة للأسعار احنا شخصين بنفس الحجز اخوي ب170 فرنك وانا ب190 عشان الليدي بايلوت اهم شيء البسوا دافي مرره برد واحنا فوق اذا ارتفعت فوق يسألونك تبي تسوي حركات ولا لا وتقعد تفحط بك بالسماء اذا نزلت وتبي الصور تشتريها ب40 فرنك لاتفوتكم تستاهل تجربة للعمر